Srilanka Government
2016 අංක 12 දරන
තොරතුරු දැනගැනීමේ අයිතිවාසිකම පිළිබඳ පනත
නිවේදනයයි

2016 අංක 12 දරන තොරතුරු දැනගැනීමේ අයිතිවාසිකම් පිළිබඳ පනත යටතේ ශ්‍රී ලංකා දුම්රිය සේවය හා අදාළ තොරතුරු ලබාගැනීම සඳහා RTI 01 දරන අයදුම්පත්‍රය මඟින් අයදුම් කළ හැකිය. (මෙම අයදුම්පත්‍රය ඉදිරිපත් කිරීම අනිවාර්යය නොවේ)

  1. තොරතුරු ලබාගැනීමට ලිඛිත RTI 01 දරන අයදුම්පත්‍රය හෝ ලිපියක් හෝ වාචික ඉල්ලීමක් තොරතුරු නිලධාරියා වෙත ඉදිරිපත් කර එය ලැබුනු බවට ලිපියක් ලබාගන්න.
  2. ඔබේ ඉල්ලීමට අදාළ තොරතුරු සැපයිය හැකි ද යන්න පිළිබඳව හැකි ඉක්මනින් (උපරිම කාලය දින 14 ක් තුළ) දන්වනු ලැබේ.
  3. ඉල්ලා සිටින ලද තොරතුරු ඔබට දීමට තීරණය කළහොත් කොමිෂන් සභාව නියම කළ ගාස්තුවක් ගෙවිය යුතු නම් එය ඔබට දන්වා එවනු ඇත.
  4. තොරතුරු ලබාගැනීමට ගෙවීමක් කළ යුතු නම් ඒ අනුව ගාස්තු ගෙවීම මත හෝ ගාස්තු ගෙවිය යුතු නොවේ නම් ගාස්තු රහිතව ඔබට දින 14 ක් තුළ තොරතුරු ලබාදෙනු ඇත.
  5. ගාස්තු ගෙවීමෙන් පසු දින 14 ක් තුළ තොරතුරු ලබාදීම අපහසු වේ නම් තොරතුරු නිලධාරියා විසින් එහි කාලය දීර්ඝ කිරීමට අවශ්‍ය හේතු සඳහන් කරමින් දින 21 කට නොවැඩි අතිරේක කාලයක් තුළ ඔබ ඉල්ලා සිටි තොරතුරු ඔබට ලබාදෙනු ඇත.
  6. තොරතුරු ලබාගැනීම සඳහා වන ඉල්ලීම යම් පුරවැසියෙකුගේ ජීවිතය හා පුද්ගලික නිදහස සම්බන්ධයෙන් වන අවස්ථාවක ඉල්ලීම් සඳහා ප්‍රතිචාර දැක්වීම ඉල්ලීම ලැබී පැය 48 ක් තුළ සිදුකරනු ඇත.
  7. තොරතුරු ලබාගැනීම සඳහා කරන ලද ඉල්ලීමකට අදාළව:
  • තොරතුරු ඉල්ලීම සඳහා කරන ලද යම් ඉල්ලීමක් භාරගැනීම ප්‍රතික්ෂේප කිරීම.
  • පනතේ 05 වැනි වගන්තිය යටතේ ප්‍රධානය කිරීමෙන් මුක්ත කර ඇති තොරතුරු හේතුවෙන් යම් තොරතුරක් වෙත ප්‍රවේශ වීම සඳහා අවස්ථාව ලබාදීම ප්‍රතික්ෂේප කිරීම.
  • පනත මඟින් නිශ්චිතවම දක්වා ඇති කාලසීමාවන්ට අනුකුල නොවීම.
  • සම්පූර්ණ නොවූ, නොමඟ යවන හෝ සාවද්‍ය තොරතුරු ප්‍රධානය කිරීම.
  • වැඩිපුර ගාස්තු අයකිරීම.
  • ඉල්ලා සිටිනු ලබන ආකෘතියෙන් තොරතුරු සැපයීමට තොරතුරු නිලධාරියා විසින් ප්‍රතික්ෂේප කිරීම.
  • එම තොරතුරු වෙත එම පුරවැසියා ප්‍රවේශ වීම වැලැක්වීම සඳහා එම තොරතුරු විකෘති කර, විනාශකර හෝ අස්ථානගත කර ඇති බවට තොරතුරු ඉල්ලා සිටිනු ලබන පුරවැසියා හට සාධාරණ හේතු පැවතීම.

යන හේතු මත අතෘප්තියට පත්වන්නේ නම්, ඔබට පහත සඳහන් නම්කළ නිලධාරියා වෙත දින 14 ක් තුළ අභියාචනාවක් ඉදිරිපත් කිරීමට කටයුතු කළ හැක.

නම් කල නිලධාරියා

දමයන්ති පරණගම මිය,
අතිරේක සාමාන්‍යාධිකාරී (පාලන),
දුම්රිය සාමාන්‍යාධිකාරී කාර්යාලය,
දුම්රිය මූලස්ථානය,
කොළඹ 10.

තොරතුරු සඳහා අයකරන ගාස්තු

කාරණය ප්‍රමාණය අයකරන ගාස්තුව
ඡායා පිටපත් කිරීම A4 කඩදාසියේ කඩදාසියක හෝ ඊට කුඩා ප්‍රමාණයේ තනි පැත්ත රු. 2.00
එකම කොලයේ දෙපැත්ත රු. 4.00
ලීගල් / A3 කඩදාසියේ තනි පැත්ත රු. 4.00
ලීගල් / A3 කඩදාසියේ දෙපැත්ත රු. 8.00
ඉහත සඳහන් ප්‍රමාණයට වඩා විශාල සැබෑ වියදම අයකෙරේ
මුද්‍රිත පිටපත් ලබාගැනීම A4 / කුඩා, තනි පැත්ත රු. 4.00
A4 / කුඩා, දෙපැත්ත රු. 8.00
ලීගල් / A3, තනි පැත්ත රු. 4.00
ලීගල් / A3, දෙපැත්ත රු. 8.00
ඉහත සඳහන් ප්‍රමාණයට වඩා විශාල සැබෑ වියදම අයකෙරේ
ඉලෙක්ට්‍රොනික උපාංගවලට තොරතුරු ලබාදීම පුරවැසියා විසින් සපයන ඩිස්කට්ටුවක්, CD හෝ USB එකක් සඳහා පිටපත් කිරීම රු. 20.00
පොදු අධිකාරිය විසින් සපයන උපාංග සඳහා පිටපත් කිරීම සැබෑ වියදම අය කෙරේ
තොරතුරු අධ්‍යනය හා පරීක්ෂා කිරීම අවශ්‍ය ලියවිල්ල / ඉදිකිරීම් ක්ෂේත්‍රය පරීක්ෂා කිරීම (පැයකට) රු. 50.00
නියැදි / ආකෘති පරීක්ෂා කිරීම සැබෑ වියදම අයකෙරේ
ඊමේල් මඟින් තොරතුරු ලබාගැනීම ඊමේල් මඟින් සපයන තොරතුරු ගාස්තු අය නොකෙරේ
විශේෂ පොදු අධිකාරිය විසින් පිටු සතරක් (A4) ප්‍රමාණයේ තොරතුරු අන්තර්ගත හෝ සපයන ලද ඡායාපිටපත් / මුද්‍රිත පිටපත් ගාස්තු අය කිරීමකින් තොරය

ඔබ ඉල්ලුම් කරන තොරතුරු වලට අදාළ ඉහත සඳහන් ගාස්තු ගෙවිය හැකි ක්‍රම දෙකකි:

  • තොරතුරු නිලධාරියාට අත්පිට මුදල් වශයෙන්
  • පොදු අධිකාරියේ ගිණුම් නිලධාරියා වෙත යොමු කළ යුතු බැංකු අණකරයක් මඟින්

මෙම කුමන ක්‍රමයට මුදල් ගෙවුවද තොරතුරු නිලධාරියා විසින් රිසිට්පතක් නිකුත් කරනු ලැබේ.
අවසන් යාවත්කාලීන කිරීම 2026 පෙබරවාරි 10 වෙනි අඟහරුවාදා, 07:08